Haqqımda
Mehtiyev Seymur Bəxtiyar oğlu - Uroloq-Androloq, cərrah.
Azərbaycan Tibb Universitetini müvəffəqiyyətlə bitirən Dr. Seymur Mehtiyev, Uroloq-Androloq ixtisası üzrə çalışdıqdan sonra öz ixtisasını daha da təkmilləşdirmək üçün İstanbul Universitetinin Tibb fakultəsinin Urologiya-Andrologiya kafedrasında fəaliyyət göstərmişdir.
Türkiyədə olarkən bir çox xəstəxanalarda və klinikalarda həm terapevtik, həm də ən yeni üsullarla cərrahi müdaxilələrdə yaxından iştirak etmiş və nailiyyətlər qazanmışdır.
Avropa Uroloqlar Cəmiyyətinin, Türkiyə Uroloqlar Cəmiyyətinin və Türkiyə Androloqlar Cəmiyyətinin həqiqi üzvü olan Dr. Seymur Mehtiyev İspaniya, Çexiya və Almaniya kimi ölkələrdə keçirilən elmi konfranslarda iştirak etmiş və məruzələr hazırlamışdır. 2012-ci ildə ABŞ-ın Cleveland Universitetində Endourologiya üzrə müşahidəçi olmuşdur.
Namizədlik dissertasiyası üzərində işləyir. Azərbaycan, İngilis, Türk, Rus dillərini bilir.
Dr. Seymur Mehtiyev Bakının bir neçə səhiyyə müəsisələrində çalışmış, topladığı təcrübələr sayəsində böyük nailiyyətlər qazanmışdır. 2015-2016-cı illərdə Real Hospitalda Uroloq-Androloq, eyni zamanda bu klinikanın baş həkimi, 2016-2018-ci illərdə Grand Hospitalda Uroloq-Androloq vəzifəsində çalışmışdır. Hal-hazırda fəaliyyətini Funda Hospitalında Uroloq-Androloq cərrah kimi uğurla davam etdirməkdədir.
Dr. Seymur Mehtiyev, 2015-ci ildə Fransanın məşhur Medipol Hospitalında böyrək daşlarının Flexible lazerlə müalicəsi kursunda iştirak etmiş, birbaşa canlı böyrək daşı əməliyyatlarını həyata keçirmişdir.
2017-ci ildə Rusiyanın Moskva və 2018-ci ildə Hollandiyanın Amsterdam şəhərlərində beynəlxalq tibbi konfranslarda iştirak etmiş, Endourologiya üzrə son yenilikləri öyrənmişdir.
Oper.Dr. Seymur Mehtiyev həminin ilin senytabr ayında İstanbulda, Türkiyə Endouroloji dərnəyinin həyata keçirdiyi "1e1 Yerində Canlı Laparoskopi" kursunda iştirak etmişdir.
Laparoskopiyada müasir üsul əməliyyatların tətbiqiylə məşğul olan həkimlərlə birlikdə həyata keçirilən əməliyyatlarda təcrübəsini artıran Seymur Mehtiyev, laparoskopik böyrək əməliyyatlarını ölkəmizdə gerçəkləşdirməkdədir.
2019-cu il may ayında Çexiyanın paytaxtı Praqada "Böyrək daşlarının endoskopik müalicəsi " kursunda iştirak etmişdir.
Bu illərdə daima Avropada beynəlxalq konqreslərdə və kurslarda iştirak edir. Qazanılan yeni təcrübəni müvəfəqiyyətlə ölkəmizdə tətbiq etməkdədir.
2022-ci ildə Türkiyədə müasir estetik andrologiya sahəsində ixtisaslaşmış kurs keçmişdir. Kurs çərçivəsində aşağıdakı müasir androloji müalicələr öyrənilmiş və tətbiq edilməkdədir:
- Cinsiyyət orqanının böyüdülməsi (uzatma və qalınlaşdırma)
- Cinsiyyət orqanının protezləşdirilməsi (cinsi zəiflik zamanı protez implantasiyası)
- Erkən boşalma müalicəsi (penis başı dolğusu, penis başı denervasiyası)
- Cinsi zəiflik müalicəsi: (kök hüceyrə, prp, eswt)
 |
 |
 |
 |
